تلخيص جميع فصول مؤلف ظاهرة الشعر الحديث pdf

السلام، كي ديما خود ليك 3 دقايق قرا هادشي بشوية عليك او غتخرج فاهم تلخيص مؤلف ظاهرة الشعر الحديث جميع الفصول pdf  كامل انشاء الله أو راه كل فصل كليكي على العنوان ديالو أو غتلقى ملخص كامل، اذا مؤلف ظاهرة الشعر الحديث" للدكتور أحمد المعداوي المجاطي. هاد المؤلف كيعتبر من المؤلفات الهامة اللي درسات التطور اللي عرفو الشعر العربي الحديث والعوامل اللي ساهمات في هاد التجديد للشعر.

(في حالة كنتي مهتم المنصة ديالنا كتعطيك فرصة انك تقرا و تعلم و تربح فلوس فنفس الوقت من خلال انك تسجل فالمنصة و تكتب ملخصات بالدارجة لدروس قريتيها و فهمتيها و غتخلص على حساب عدد القراء لي قراو المقال ديالك، تقدر تسجل من هنا)

في البداية، خاص نشير أن الشعر العربي الحديث ماشي غير تطور في اللغة والأسلوب، ولكن حتى في المضامين والرؤى العالمية. الشعراء الجدد بداو يعبرو على همومهم الشخصية والجماعية بطريقة مختلفة على الأجيال اللي قبلهم.

ظاهرة الشعر الحديث, الفصل الأول - نحو مضمون ذاتي

الفصل الاول لي هو التطور التدريجي للشعر العربي الحديث, كينقسم الى قسمين القسم الأول نحو مضمون ذاتي القسم الثاني نحو شكل جديد, الكتاب كيبدا بالحديث على الحركات الشعرية اللي بدات تظهر في العالم العربي. من بين هاد الحركات، كانت هناك حركة "سؤال الذات" اللي غيرات الطريقة اللي كان الشاعر كينظر بها لراسو وللعالم. الشعر صار أكثر غنائية وذاتية و في هاد الفصل، الكتاب كيتناول التجديد اللي وقع في الشكل الشعري. اللغة صارت أكثر ليونة والصور الشعرية صارت تعبر عن التجارب الشخصية للشاعر. حتى الإيقاع في الشعر تغير وصار فيه تنوع أكبر.

ملخص الفصل الثاني من مؤلف ظاهرة الشعر الحديث, تجربة الغربة و الضياع

هنا بدأ الناقد احمد المعداوي المجاطي هذا الفصل بذكر اهم العوامل المساعدة في نشأة الشعر الحديث، هاد الفصل كيتكلم على كيفاش الشعراء استعملو تجاربهم في الغربة والضياع باش يخلقو شعر جديد. الهزيمة في فلسطين والتأثر بالأدب الغربي كان ليهم دور كبير في هاد التجديد.

تلخيص الفصل الثالث من ظاهرة الشعر الحديث تجربة الحياة والموت

هنا غيتطرق  الناقد احمد المعداوي المجاطي لواحد الإشارة لواقع العالم العربي في القرن 20 او بالضبط بعد 20 سنة مور النكبة ديال فلسطين لي وقعت في 1948، يعني مور عشرين عام بعد النكبة ديال فلسطين غيوقعو شي حوايج لي غيخلي انه الشاعر ينتقل من الموت للحياة، ايلا لاحظتو العنوان تجربة الحياة والموت يعني غينتاقل من الموت للحياة وشنو كنقصدو هنايا بالموت والحياة؟ كنقصدو انه النفسية ديال الشاعر لي كانت ميتة غتولي حية، أو عدنا 4 دالحوايج هاد الربعة هادو بالضبط هوما اللي خلاو انه شاعر ينتقل من الموت للحياة اللي هوما : ثورة مصر، مرورا بتأميم قناة السويس و رد العدوان الثلاثي، استقلال اقطار العالم العربي.

تلخيص الفصل الرابع من مؤلف ظاهرة الشعر الحديث : الشكل الجديد

هاد الفصل باختصار احمد المعداوي المجاطي كيبدا بالإشارة الى التغيُّرات التي عرفها الشعر الحديث يعني غيهضر لينا هنا على التغيرات اللي عرفها الشعر الحديث الثائر على الأشكال العربية القديمة التي كانت تقيد الشاعر، كيهضر هنا على الإحيائيين او حركة الإحياء النموذج، ولم تعد مناسبة للتعبير عن ذاته وواقعه وتطلعاته، فابتكر شكلا جديدا يتناسب مع رغبته التعبيرية وحالته النفسية وهذا ما سيبرزه لنا المعداوي في هذا الفصل، حيث سيتطرق الى التحولات التي اصابت عناصر الشكل الشعري في القصيدة العربية الحديثة وذلك على مستوى اللغة والأسس الموسيقية لي هي الإيقاع.

الخاتمة

في الأخير، مؤلف "ظاهرة الشعر الحديث" كيعطينا نظرة عميقة على كيفاش الشعر العربي تطور وكيفاش الشعراء الجدد استطاعو يعبرو على همومهم وأحاسيسهم بطريقة جديدة ومبتكرة. هاد التجديد ماشي غير في الشكل ولكن حتى في العمق والمضمون.

هادا المقال كيعتبر ملخص مختصر لمؤلف ظاهرة الشعر الحديث بجميع فصوله وكيحاول يعطي نظرة عامة على المواضيع الرئيسية اللي تناولها المؤلف، إن شاء الله يكون المقال مفيد الله انجحك و يفرحك بالنجاح والتوفيق متنساش الى كان عندك شي تساؤل متنساش تحطو فكومونطير ياالله نتشاوفو فدرس اخر.