ملخص الفصل الثاني من مؤلف ظاهرة الشعر الحديث بالدارجة, تجربة الغربة و الضياع
بالدارجة غنهدرو على الفصل الثاني من مؤلف ظاهرة الشعر الحديث, ملخص تجربة الغربة و الضياع, السلام عليكم ورحمة الله فهاد المقال هادا غندير التتمة ديال مؤلف ظاهرة الشعر الحديث كنت درت فالمقال اللي قبل : الفصل الأول من مؤلف ظاهرة الشعر الحديث، دابا غندير الفصل التاني
الفصل الثاني من مؤلف ظاهرة الشعر الحديث, ملخص تجربة الغربة و الضياع, السلام عليكم ورحمة الله فهاد المقال هادا غندير التتمة ديال مؤلف ظاهرة الشعر الحديث كنت درت فالمقال اللي قبل : الفصل الأول من مؤلف ظاهرة الشعر الحديث، دابا غندير الفصل التاني الله يسهل عليك ركز معايا مزيان وعطيني دماغك الا مفهمتيش شي حاجة سولني فتعليق التحت او غنجاوب على الراس والعين، دابا غنبدا على بركة الله، قلنا بأن احمد المعداوي المجاطي دارلنا واحد المؤلف اللي هو ظاهرة الشعر الحديث هاد المؤلف هادا كيتكون من ربعة ديال الفصول فالمقالة اللي قبل كنا درنا الفصل الأول اللي اسميتو التطور التدريجي في الشعر الحديث بجوج دالأقسام ديالو فهاد المقالة هادي غادي ندير الفصل الثاني اللي كيحمل عنوان تجربة الغربة والضياع (من الصفحة 55 حتى للصفحة 105) غادي نبداو بهاد الفصل هدا على بركة الله.
تجربة الغربة و الضياع الفصل الثاني من مؤلف ظاهرة الشعر الحديث
اهم العوامل المساعدة في تجربة الغربة
استفتح الناقد احمد المعداوي المجاطي هذا الفصل بذكر اهم العوامل المساعدة في نشأة الشعر الحديث، شناهوما هاد العوامل هادو؟ اول حاجة نكبة فلسطين سنة 1948 يعني هاد النكبة هادي كانت من بين العوامل اللي خلات الشعر الحديث انه يتنشأ، بحيث كان لها ابلغ الاثر في مضمون الشعر العربي الحديث وتغيير نظرة الشاعر الى مفهوم الشعر، حيث انهار الوجود العربي التقليدي بعد النكبة وازدادت حرية الشاعر الحديث، وتضاعف احتكاكه بالثقافة الاجنبية، يعني من بعد النكبة اللي وقعت في فلسطين سنة 1948, الشاعر ولا حر كثر لانه كان كيعتامد غي على التقليد من بعد النكبة وماولاش كيحمل نهائيا شي حاجة سميتها التقليد يعني ولى كيحتك بالتقافة الغربية ولى اكثر حرية وهادشي شكون لي خلاه انه يكون هاكا؟ هي النكبة، يعني من بعد النكبة ولى كيحس بأنه خاص يكون حر اكثر من ذي قبل في الشعر ديالو، يعني لي خلاه انه يكون هي النكبة هادي اول حاجة.
تاني حاجة الانفتاح على الاداب الغربية والشرقية حيت كان الادب في الدول الغربية مزدهرا كأوروبا مما جعل الشاعر ينفتح على ادبها (الاداب كان مزدهر في اوروبا بزاف هاديك الوقت او ولاو الشعراء العرب كينفاتحو على الاداب الغربية) هدا تاني عامل تالت عامل هو التأثر باعمال بعض المبدعين العالميين كويستن هيو أودن و فلاديمير، اذا عندنا ثلاثة عوامل نكبة فلسطين 1948 تاني حاجة الانفتاح على الاداب الغربية والشرقية و ثالث حلجة التأثر باعمال بعض المبدعين العالميين.
اهم الأسباب المساعدة في ظهور تجربة الغربة
هنا غيتوقف احمد المجاطي غيقولنا الاسباب ديال ظهور تجربة الغربة و الضياع، شنو معنى هاد تجربة الغربة والضياع، يعني الشعراء حسو بالغربة والضياع في الشعر ديالهم ولكن شنا شناهوما هاد تلاتة ديال الأسباب؟ هوما اول حاجة التأثر بالشعراء الغربيين كتوماس ستيرنز إليوت صاحب قصيدة ارض الخراب ثاني حاجة التأثر بأعمال بعض الروائيين و المسرحيين خاصة بعض الروايات و المسرحيات الوجودية التي تم ترجمتها للغة العربية، ثالث حاجة عامل المعرفة، امتلاك الشاعر الثقافة والمعرفة التي انعكست على النفس فجعلته يتخذ مواقف ضد النفس والكون والمجتمع. يعني شاعر ولى مثقف لواحد الدرجة كبيرة ولى كيعرف بزاف ديال الأمور لي خلاتو يتاخد بزاف ديال المواقف. يا اما ضد النفس يا اما ضد الكون يا اما ضد المجتمع. هادو الأسباب، اذا شفنا العوامل ثلاثة العوامل لي هما النكبة، الانفتاح على الاداب الغربية والشرقية، التأثر بأعمال بعض المبدعين، وشفنا ثلاثة ديال الاسباب لي تقريبا بحالها بحال العوامل كتشابه معها : التأثر بالشعراء الغربيين، التأثر باعمال بعض الروائيين المسرحيين، وعامل المعرفة. دابا شفنا العوامل شفنا الأسباب، دابا غادي نشوفو المظاهر ديال الغربة.
مظاهر الغربة في تجربة الشعر الحديث
اولا عندي ليكوم نصيحة سريعة الى تعطالكم الامتحان في الفصل الثاني راه 100% غيقول لك ابرز مظاهر الغربة يا اما في الكون، الغربة في المدينة، الغربة في الحب، الغربة في الكلمة، يعني هادو هوما اغلبية الاسئلة اللي كيتحطو ولا فايت تحطو فالفصل التاني.
دابا حنا خصنا نعرفو منين كتمتل مظاهر الغربة فالكون او فالمدينة او فالحب او فالكلمة غنبداو باول غربة اللي هي الغربة في الكون.
الغربة في الكون
الغربة في الكون هي نتاج نكبة فلسطين وضياع امجاد التاريخ والشعور بالذل، فاعتزل الشاعر الحياة وجرب وحدته وغرق في غربته واصبح الموت هو خلاصه، ما دام الكون بالنسبة له شيء عبثي لا يحكمه لا عقل ولا منطق ولا قانون. يعني تعرضت فلسطين للنكبة تقتلوا فيها الالاف ديال البشر، ما كاينش شي دولة اللي جاتهم نصفاتهم مكاينش شي قانون لي جا من الجانب ديال فلسطين، فالشاعر هنا كيحس بأنه مكاينش شي قانون فهاد الدنيا هدا يعني كيما قال لينا "الكون عبثي لا يحكمه لا عقل لا منطق لا قانون" هو حس براسو مغترب فهاد الكون هدا، يعني بحال شي واحد كتلقاه تاواحد موقف معاه او هو تيتعرض للتضطهاد او تعرض للعنف...، يعني كيحس براسو بوحدو فهاد الدنيا هادي، هكا كان تيحس الشاعر يعني الغربة في الكون كان السبب فيها هو نكبة فلسطين. غادي ندوزو حنايا دابا للغربة فالمدينة.
الغربة فالمدينة
احس الشاعر العربي الحديث ان هندسة وواقع مدينته قد تغير والى الأبد بفعل غزو هندسة المدن الأوروبية لها واصبحت لا تناسب واقع العرب المهزوم، فجاء شعره تعبيرا عن هذا الإحساس بالغربة فالمدينة قاسية ومفرغة من كل انسانية، وما يزيدها قسوة وعنفا عدم قدرة الشاعر على الهروب منها فهي تحاصره وتخنقه، اذا بغا يقول لنا هنايا كيفاش انه حس بالغربة في المدينة ديالو يعني بسباب الحضارة لي دخلات للمدينة ما بقاش كيحس بانه راه في المدينة، بحالا نعطيكم واحد المثال في المدينة ديالك غبت عليها واحد عشر سنين رجعتي لقيتي بلاصت الديور العاديين لي كانوا، ولاو ناطحات السحاب يعني ولى واحد الحضارة اوروبية انت راك في المدينة ديالك لكن كتحس براسك راك في بلاد وحدة أخرى، لأنه مشات داك الحضارة مشى داكشي لي كنتي كتشوف نتايا وليتي كتحس براسك في الغربة في المدينة نفس الشعور حس بيه الشاعر لأنه المدينة ديالو تبدلات وتبدلات الحضارة ديالها ولى كيحس بالغربة في المدينة، اذا غادي ندوزو حنايا دابا للغربة في الحب.
الغربة في الحب
يرى الباحث أن الشاعر الحديث فشل في تحقيق السكينة لنفسه عن طريق علاقة حب مع المرأة، فالحب تحول الى مرارة مميتة فلا وجود لامرأة تحقق للشاعر ذاته وتعيد له توازنه المنشود، فلم تعد المرأة بجسدها وانوثتها ورقتها وجمالها قادرة على تخليصه من همه القاتل. شنو بغا هنايا يقول لنا الشاعر؟ هنايا الشاعر فشل باش انه يحقق الساكنة لراسو حنا كنعرفو بأن المرأة هي سكن للرجل، اذا هو كان كيعتاقد بأنه المراة الى كانت سكن ليه غيقد انه يعبر فالشعر و انه يمشي بعيد فالشعر حيت هي غادي تحقق لو الذات ديالو وتعيد له التوازن المنشود، بحيث غادي تعوضو على بزاف ديال الحوايج اللي غادي تخليه هو يركز فالشعر ديالو وانه يحقق الذات ديالو لاكن المشكل لقا العكس الى بعد عليها غادي يبقا يفكر فيها و ماغاديش يحقق التوازن، زيد عليها المشاكل اللي كاتكون بين المرأة والرجل، هنايا كيفما قال هنايا الناقد فلم تعد المرأة لا بجسدها ولا بأنوثتها ولا برقتها وجمالها قادرة على تخليصه من همه القاتل. وبذلك فالاخير ولا كيحس بالغربة في الحب حتى هو. غنشوفو دابا الغربة في الكلمة.
الغربة في الكلمة.
ايمان الشاعر الحديث بأن الكلمة بمقدورها ان تلعب دورا مهما في اصلاح المجتمع والتوجيه، يعني كان كيعتقد بأن الكلمة منين غيقولها هو غتوصل للمجتمع. وغتوجهو باعتبار الكلمة عبارة عن سيف، يعني الى قلت انا شي حاجة فشي كتاب والناس قراوه غادي يمشيو يتبعو الهضرة ديالي ولكن شنو؟ اكتشافه للحقيقة المرة وهي ان الكلمة عاجزة عن الفعل والحركة، بحيث الكلمة مأتراتش نهائيا فالمتلقي مدارت تاشي أثر، اذا لن تستطيع تلبية طموحاته، مقدرش انه تلبي الطموحات ديالو جعلته يدخل حالة من اليأس قادته الى الاغتراب يعني ملي شاف الكلمة مكتقضي تا شي حاجة، هنا اغترب في الكلمة. اذا دابا شفنا أربعة انواع ديال الغربة لي هي الغربة في الكون، الغربة في المدينة، الغربة في الحب، والغربة في الكلمة، هادو مهمين بزاف الله ينجحكوم ركزو معاهوم بزاف اولا مفهمتيش شي حاجة حطها فتعليق، هاد الرابعة حاول تفهموهم او تضبطوهم مزيان، دابا شفنا العوامل وشفنا موراها الأسباب وشفنا موراها المظاهر ديال الغربة، فلخر ديال هاد الفصل الغربة و الضياع تطرق احمد المعداوي المجاطي لواحد الجزء صغير لي هو قالك : حللنا قصيدة فارس النحاس وعبد الوهاب البياتي، لي كتاشف فيها الباحث ألوان اخرى من الغربة لي هي الغربة في المكان، الغربة في الزمان، احساسه بالعجز، تشبثه بالحياة، الشعور بالموت والاحتماء بالصمت، المهم هادا جزء صغير لي تطرق ليه الناقد احمد المعداوي المجاطي لابراز انواع أخرى من الغربة.
خلاصة
فالفصل الثاني ديال ظاهرة الشعر الحديث اللي سميتو تجربة الغربة والضياع اللي بادي من الصفحة 50 تال 105 تطرقنا فيه إلى، اول حاجة للعوامل اللي شفنا فيهم تلاتة دالعوامل نكبت فلسطين 1948 والانفتاح على الاداب الغربية والشرقية, والتأثر باعمال بعض المبدعين العالميين، وشفنا فيه تلاتة ديال الاسباب اللي هوما التأثر بالشعراء الغربيين التأثر بأعمال بعض الروائيين المسرحيين وعامل المعرفة، وشفنا فيه المظاهر كاين ربعة دالمظاهر ديال الغربة كاين الغربة فالكون الغربة فالمدينة الغربة في الحب الغربة فالكلمة شفنا الغربة فالكون كيفاش ان نكبة فلسطين هي السبب او الغربة فالمدينة كيفاش ان التحضر وغزو المدن الأوروبية كان هو السبب، الغربة في الحب كيفاش ان الفشل في تحقيق السكينة هو لي كان السبب باش انه حس بالغربة في الحب، واخر حاجة الغربة فالكلمة بحيث أن الكلمة ديالو موصلاتش مكانش عندها شي اثر خلاه انه يحس بالغربة في الكلمة واخر حاجة شفنا بعض الألوان الأخرى ديال الغربة في قصيدة فارس النحاس و عبد الوهاب وهاكا غادي نكونو سالينا الفصل الثاني ما عليكم غير انكم تفهموا وتحفظوا هادشي وبالتوفيق لكم ان شاء الله والنجاح.
ما هو رد فعلك؟
