درس الحركات الاستقلالية في الجزائر وتونس وليبيا

ملخص الحركات الاستقلالية فالجزائر وتونس وليبيا

السلام عليكم مرحبا بكم في منصتكم كلشي بالدارجة مع درس جديد منبعد ما شفنا فالدرس اللي فات المغرب : الكفاح من أجل الاستقلال واستكمال الوحدة الترابية, حنا عارفين بلي شمال افريقيا كامل كان مستعمر من الدول الأوروبية داكشي باش فدرسنا اليوم غنهدرو على درس الحركات الاستقلالية في الجزائر وتونس وليبيا داكشي باش كنطلب منك اليوم تركز معايا أو تعطي راسك واحد 5 دقايق قرا هادشي بشوية عليك أو مغتخرج منهنا تتكون فهمتي الدرس كامل مكمول انشاء الله.

مقدمة درس الحركات الاستقلالية في الجزائر وتونس وليبيا: 

من بعد ما سالات الحرب العالمية الثانية، الجزائر وتونس وليبيا عرفو بزاف ديال التطورات اللي سالات باستقلالهم. شنو هي أهم الحركات الاستقلالية فهاد الدول الثلاث؟ وشنو هي الوسائل اللي استعملوها باش يحققو الاستقلال؟

ظروف نشأة الحركات الاستقلالية فالجزائر وتونس وليبيا

1.استغلال المستعمر للدول الثلاث كان حافز لنشأة الحركات الاستقلالية

هاد الدول الثلاث تونس ليبيا و الجزائر عانات من احتكار المستعمر لثرواتهم، وقمع أي تمرد ضد هاد الاحتكار. فالجزائر، الجزائريين كانو ممنوعين يترشحو لمناصب بحال مجلس البلديات، وكانو كاينين عراقيل كبيرة قدام إصدار الجرائد وإنشاء الأحزاب كان ممنوع. فالاقتصاد، فرنسا ماكتفاتش باستغلال الثروات الطبيعية، زادت عليهم ضرائب كبيرة على السكان الجزائريين، واستغلتهم فالخدمة فالضيعات بأجور ضعيفة وحرمتهم من حق الإضراب والتقاعد والتأمين. فليبيا، الطاليان استولو على أحسن الأراضي بذرائع مختلفة بحال المنفعة العامة أو شراوها بثمن بخس. فتونس، قمعو التمردات بوحشية، بحال اللي وقع ف1911، ماتوا ناس وتجرحوا، ومنعو التجول وإصدار الجرائد وزجرو المتظاهرين فالحبس.

2. نهاية الحرب العالمية الأولى كانت بداية لنشأة الأحزاب فالدول الثلاث

التوانسة كانو معولين بزاف على مؤتمر الصلح اللي كان ففرساي، وخاصة على الرئيس الأمريكي ولسن اللي دعا لحق الشعوب ف تقرير مصيرها، فأسسو الحزب الليبرالي الدستوري التونسي ف7 مارس 1920، مدفوعين بما حصلات عليه ليبيا من حق ف تكوين حكومة وبرلمانات جهوية، خاصة وأنهم كانو عندهم تجارب فالتنظيم الحزبي مع حزب “تونس الفتاة”.

المقارنة بين الدول الثلاث من حيث البرامج والوسائل اللي استعملوها لتحقيق الاستقلال.

1. أهم الحركات الاستقلالية فالدول الثلاث

فالدول الثلاث ظهرت حركات وجمعيات وأحزاب من أواخر القرن 19. فليبيا، برزت الحركة السنوسية اللي قاومت الطاليان حتى نهاية الحرب العالمية الأولى. من بعد تأسس الحزب الوطني اللي طالب بالاستقلال. المجلس الوطني لتحرير ليبيا تأسس فالقاهرة ف1947. فتونس، تأسس الحزب الليبرالي الدستوري ف1920 بقيادة عبد العزيز الثعالبي اللي دعا لوضع دستور يضمن للتوانسة بعض الحقوق ولو تحت الاحتلال الفرنسي. من بعد ظهر الحزب الدستوري الجديد ف1934 وانتخب الحبيب بورقيبة كاتبا عاما، وكان عندهم مطالب إصلاحية بحال تحسين وضعية التوانسة، لكن من بعد الحرب العالمية الثانية بداو يطالبو بالاستقلال ولو على مراحل. فالجزائر، جمعية علماء المسلمين اللي تأسست ف1931 بقيادة عبد الحميد بن باديس لعبات دور كبير فبث الوعي عند السكان، وجمعية نجم إفريقيا اللي تأسست ف1926 فباريس طالبت ببعض الإصلاحات بحال المساواة بين التوانسة والفرنسيين. من بعد تأسس حزب الشعب ف1937 بقيادة مصالي الحاج. لكن جبهة التحرير الوطني (1954) كانت هدفها تحقيق الاستقلال بالعمل المسلح.

.2. أهم الوسائل اللي استعملتها الحركات الاستقلالية فالدول الثلاث

الوسائل والأساليب اللي استعملتها الحركات الاستقلالية كانت متنوعة وتطورت مع الوقت.

• فالجزائر، الأحزاب فالبداية كانت كتلقى بالسكان وتنشر بعض الجرائد بحال جريدة الشهاب لنشر الوعي، من بعد دعات لمقاطعة السلع الفرنسية وشن الإضرابات، ومن 1954 ركزت على العمل المسلح.
• فتونس، الأحزاب نشرت أفكارها قبل الحرب العالمية الثانية عبر المناشير والجرائد بحال “صوت تونس” ونظمت الاحتجاجات والمظاهرات، من بعد نهجت الكفاح المسلح بتأسيس جيش التحرير التونسي، واستعملت الجرائد لإبراز عدالة قضيتهم.
• فليبيا، تأخر ظهور الأحزاب حتى بعد الحرب العالمية الثانية، لذلك طغت على الحركة التحريرية فليبيا المقاومة المسلحة.

3. التطورات اللي أدت لاستقلال الدول الثلاث

1.3. الحركات الاستقلالية في ليبيا

اتفقت انجلترا وفرنسا وإيطاليا باش يقسمو ليبيا بينهم ف1949، بحيث تكون برقة لانجلترا، وفزان لفرنسا، وطرابلس لإيطاليا. لكن احتجاجات سكان ليبيا خلات الأمم المتحدة ترفض هاد المشروع، وقررت أن ليبيا خاصها تولي دولة مستقلة قبل يناير 1952، مع ضرورة وضع دستور. ف أكتوبر 1951، دارو أول دستور، ومن بعد بايعو محمد إدريس المهدي السنوسي ملك على ليبيا اللي علنات استقلالها رسميا ف دجنبر 1952.

3.1. الحركات الاستقلالية في تونس

فرنسا اعترفت بأن تونس وصلات لدرجة من التطور اللي تسمح بمشاركة شعبها فالحكم، وقررت تعطيها الحكم الذاتي ف1954. لكن استمرار المقاومة وإصرار التوانسة على الاستقلال التام، بالإضافة للصعوبات اللي كانو كيعانيو منها الفرنسيين فالجزائر والهند الصينية، خلات فرنسا تعترف باستقلال تونس وتلغي معاهدة الحماية اللي كانت ف1881. واستمر محمد الأمين باي ملك للدولة المستقلة.

1.3.الحركات الاستقلالية في الجزائر

جبهة التحرير الوطني تأسست ف نونبر 1954 وجعلت الاستقلال هدفها، واعتبرات أن العمل المسلح هو السبيل الوحيد لتحقيقه. ما بين 1954 و1962، ألحقو بقوات الاحتلال الفرنسي خسائر كبيرة وخلات حياة الفرنسيين فالجزائر صعيبة، مما اضطر بزاف منهم للرحيل والعودة لفرنسا. الجزائر قدمات عدد كبير من الشهداء اللي كاتقدرهم المصادر الرسمية بمليون ونصف شهيد. فرنسا اضطرت تنظم استفتاء ف يناير 1961 قرر فيه الشعب الفرنسي الاعتراف للجزائريين باختيار النظام السياسي اللي بغاوه، ومن بعد وقعات فرنسا والجزائر اتفاقية إيفيان اللي كتعترف بالاستقلال التام للجزائر.

خاتمة الحركات الاستقلالية في الجزائر وتونس وليبيا:

شعوب الدول الثلاث بذلات مجهودات كبيرة وقدمت تضحيات جسيمة باش تحرر بلدانها من الاحتلال، ومن بعد تحقيق الاستقلال دخلات مرحلة جديدة هي بناء الدولة المستقلة.

مصطلحات عقل عليهوم

• عبد العزيز الثعالبي: واحد من رواد الحركة الوطنية فتونس، صاحب كتاب “تونس الشهيدة” اللي ساهم بزاف ف نشر الوعي داخل تونس بخطورة الاستعمار، ودعا فيه لتطبيق أفكار دستور 1861 ومنح التوانسة الحريات الأساسية.

• الحبيب بورقيبة: تزاد ف1903، واحد من الزعماء الوطنيين فتونس، أسس ف1934 الحزب الدستوري الجديد وتولى كتابته العامة، تبنى خطة “الاستقلال عبر مراحل”، وكان رئيس جمهورية تونس من 1957 حتى 1987.

• عبد الحميد بن باديس: (1889-1940): رئيس جمعية العلماء المسلمين اللي تأسست ف1931 وكانت ذات طابع إصلاحي سلفي، ماكانش عندها برنامج سياسي لكن دورها ف بث الشعور الوطني المناهض للاحتلال كان كبير.

• الحكم الذاتي: نظام كيعطي تونس حق التسيير فبعض المجالات، ولكن مع احتفاظ فرنسا بشؤون الأمن والدفاع والخارجية.