بالدارجة العالم غداة الحرب العالمية الأولى ثانية باك pdf

العالم غداة الحرب العالمية الأولى السلام عليكم الدراري والدريات، تلاميذ و الاحرار فالمنصة التعليمية الاولى كلشي بالدارجة، عندك 3 دقايق فهم الدرس و غتلقى الدرس pdf لتحت و الله اعونك.

و اليوم مع درس التاريخ العالم غداة الحرب العالمية الأولى بالدارجة. فهاد البرنامج انا حاولت نشرح جميع الدروس ديال التاريخ للباكالوريا.  

نمشيو اول دروسنا لي هو العالم غداة الحرب العالمية الاولى عندنا ثلاثة ديال الكلمات الاولى : غداة الحرب،

اربع سنين كانت نايضة واحد الروينة في اوروبا وخارج اوروبا داكشي علاش تسمات الحرب العالمية الأولى، خرج بنتائج سياسية واقتصادية ونتائج ترابية وباش تفهم تاني كتر تبعني، الف وتسعمية وتمنطاش 1918 سالات الحرب العالمية الاولى ربحو فيها الحلفاء بزعامة الولايات المتحدة الامريكية فرنسا وروسيا. على الخصم ديالهم لي هو دول المحور بزعامة الامبراطورية الالمانية والنمسا المجر وامبراطورية العثمانية. خلاهم يطيحوا في مؤتمرات الصلح يتصالحوا الدول ما بيناتهم ولكن ما كانش الهدف اللي يتصالحوا بالعكس الدول اللي ربحوا بغاو الدول الخاسرة فالحرب تضعاف فالاقتصاد والسياسة وينقصوا حتى الاراضي ديالهم والجيش ديالهم هادشي ففرنسا معاهدة فيرساي Versailles كانوا بغاو الدول الرابحة خصوصا فرنسا بغات المانيا تهبط قيمتها وتضعف في الجيش والاقتصاد وتا السياسة باش عمرها مازال تفكر في الحرب، باقي تعاود؟ لا والله ما نعاود، لا نيت غير عاود ما نعاودش والله ما نعاود، بريطانيا والولايات المتحدة الامريكية كانوا بغاو توازن القوى في العالم يبقى كما هو اما حليفة المانيا اللي هي نمسا و المجر فرضوا عليها بنود منها تقسم النمسا المجر وتولي بزاف ديال الدول وينقص ثُمن الجيش هادشي في معاهدة تريانون و سان جيرمان اما في معاهدة الصفر (سيڤر) ففرضات على الإمبراطورية العثمانية تخلى على الأراضي ديالها تا هي في اوروبا بحال اليونان ودول ديال المشرق العربي لفرنسا وبريطانيا. فهادشي خلا لينا نتائج ترابية.

النتائج الترابية للعالم غداة الحرب العالمية الأولى 

من هاد النتائج أنه تقسم بزاف ديال الإمبراطوريات منها النمسا المجر لمجموعة دول، والإمبراطورية الألمانية رجعات لألمانيا. والإمبراطورية العثمانية رجعات تركيا وتزيد وتزيد.

 وهنا بانو دول. منها تشيكوسلوفاكيا و يوغسلافيا الى غير ذلك باش ندوزو للنتائج السياسية. 

النتائج السياسية في العالم غداة الحرب العالمية الأولى 

اما من النتائج السياسية اللي غندكروها فعندنا صدور واحد المبدأ للرئيس الأمريكي ويلسون. باش كل شعب يقرر مصيرو بنفسو. وتشكلات حتى الأمم المتحدة باش تنشر السلام في العالم دابا غندوزو للنتائج الاقتصادية - الفلوس. 

النتائج المالية و الاقتصادية 

اما بالنسبة للنتائج المالية والإقتصادية من بعد الحرب العالمية الأولى، ولي هي اللعاقة اعشيري اللي خلات اوروبا كتصفر من الفلوس او ضعافت لا في الفلاحة ولا في الصناعة المصانع تدمرو، الحقول تحرقو، خلات اوروبا الله كريم خاصها تسلف باش تعاود تبني اوروبا جديدة يا اخي، من غير الولايات المتحدة الأمريكية واليابان لي شبعو لعاقة وضربو الصرف، والدول الأوروبية مدابزين وهما كيجمعو اقاريضن قريدة قريدة، اما بالنسبة للنتائج البشرية فالحرب العالمية الأولى دوز الفقرة الموالية.

العالم غداة الحرب العالمية الأولى النتائج البشرية 

الحرب العالمية الأولى خلات الملايين ديال القتلى والمرضى وخلات فالمجتمعات حالة ديال الفقر البطالة المجاعة والتشرد هنا نقدرو نقولو خلات الحرب العالمية الأولى أعداد كبيرة من القتلى والجرحى والمفقودين و المصابين (ألمانيا 2 مليونان، فرنسا 1.4 مليون …).

خلاصة 

خلاصة القول هادشي كلو كيبين لينا ان فاش سالات الحرب العالمية الأولى أو خرجات بمعاهدات الصلح اللي كان فيها الشروط القاسية، الهدف ديالها اضعاف الدول فالجيوش ديالها وسياستها واقتصادها والى غير ذلك الشئ لي خلى حقد ما بين الدول وتوتر العلاقات لي خلاو مشاكل من بعد لي منها من طبيعة الحال الحرب العالمية الثانية، تعدبنا باش نوصلو ليكم المعلومة بطريقة زوينة ولاكن تستاهلو الله اسهل عليكم والى درس جديد ان شاء الله. تقدر تحمل درس العالم غداة الحرب العالمية الأولى من تحت. باي ????.