المحور الثاني : طبيعة السلطة السياسية مفهوم الدولة مجزوءة السياسة

 ملخص محور طبيعة السلطة السياسية

السلام عليكم اخواني التلاميذ و المترشحين الأحرار فدرس جديد من دروس الفلسفة أو بالضبط مجزوءة السياسة من بعد ما شفنا فالدرس اللي فات تلخيص المحور الأول مشروعية الدولة وغاياتها اليوم مع المحور الثاني: طبيعة السلطة السياسية، حاليا المطلوب منك هو تقرا هادشي بشوية عليك أو عطي لراسك واحد 6 دقايق غتخرج من هنا فاهم كلشي انشاء الله. 

 مقدمة

ملخص محور طبيعة السلطة السياسية, كيما كنعرفو أن السلطة كتشبه التوأم السيامي للدولة، يعني ما كايناش دولة بلا سلطة. فالسلطة فعقل الناس ديما كانت مرتبطة بالمؤسسات والأنظمة والأجهزة اللي كتخضع المواطنين لقوانينها داخل حدود دولة معينة. لذلك، مفهوم السلطة بهاد المعنى كيشكل نظام ديال السيطرة والهيمنة اللي كتمارسها فئة على فئة أخرى، مرات كتحكم بالعنف ومرات بالقانون. ولكن هاد المفهوم ديال السلطة تبدل بفضل كتابات الفلاسفة بحال نيتشه وميشيل فوكو. ومن هنا نقدر نتساءل:

واش يمكن نحصر طبيعة السلطة السياسية غير فأجهزة الدولة ولا هي بحال الأخطبوط اللي كيطرطق على كل جوانب الحياة؟ واش هي متعالية على المجال اللي كتمارس فيه ولا محايثة ليه؟

متخافش كمل القراية راه الدرس ساهل أو غنعاود نقولها ليكم غالبا كتحتاج فقط جوج مواقف أو ثلاثة موقف مؤيد وموقف معارض أو جوج يعني فالحفظ متحتاجش تحفظ كلشي.

 مواقف وتصورات الفلاسفة حول طبيعة السلطة السياسية

 الإشكال: شنو هي طبيعة السلطة السياسية؟ فردية ولا جماعية؟ استبدادية ولا ديموقراطية؟

 موقف نيكولا مكيافيلي (1469 - 1527)

السياسة صراع كيتوظف فيه كل الوسائل.

في طبيعة السلطة السياسية ماكيافيلي كيقول أن السياسة هي صراع، وخاص الحاكم ما يكتفيش غير بالقوانين بل يستعمل القوة أيضا، حيث الغاية تبرر الوسيلة. بمعنى أن الحاكم ممكن يستعمل الوسائل المشروعة وغير المشروعة باش يحافظ على مكانته. يعني ماكيافلي بكل بساطة كيفصل الممارسة السياسية عن الأخلاق لي دوا يشرب الدوا.

 موقف ابن خلدون (1332 - 1382)

السياسة أخلاق لتحقيق المصلحة العامة.

ابن خلدون كيقول أن السياسة هي رفق واعتدال، وماشي تسلط أو تطرف، وخص الحاكم يكون وسطي ومعتدل. لأن هاد الشي كينفع الراعي والرعية، وكيحقق الغاية من الاجتماع البشري. يعني السياسة حسب ابن خلدون استمرار للتصورات الأخلاقية.

 موقف مونتسكيو (1689 - 1755)

هاد الفيلسوف كيظن أن السلطة السياسية سلطة ديموقراطية.

مونتسكيو فالكتاب ديالو «روح القوانين» كيعتبر من مصادر الفكر السياسي الحديث. ودار على مبدأ فصل السلط اللي مازال معتمد فالدول الديموقراطية. و قسّم السلط إلى ثلاثة: السلطة التشريعية، التنفيذية، والقضائية. وحدد اختصاصات كل سلطة وبين شكون كييمثلها داخل الدولة. وكيقول أن الفصل بين السلط هو الضامن للحرية والديموقراطية وصيانة كرامة وحقوق المواطنين. وجمع السلط فإيد شخص واحد معناه الاستبداد راك غايا راك فاهم.

 موقف ميشال فوكو (1926 - 1984)

هنا ميشال فوكو كيشوف أن السلطة منتشرة في كل مكان.

ميشال فوكو كيقول أن السلطة كتشمل كل حاجة ومجالات الحياة، وماشي غير فالأجهزة والمؤسسات. كتشمل كامل الجسم الاجتماعي وكتعبر عن صراعات المجتمع اللي ما كاتساليش وعلاقات القوى بين الفاعلين.

 موقف لوي ألتوسير (1918 - 1990)

هادا حاقد كيشوف أن السلطة السياسية سلطة قمعية.

ألتوسير كيقول أن الدولة كتمارس سلطتها بجهاز قمعي واحد وكيتكون من الحكومة، الإدارة، الجيش، القضاء، الشرطة، والسجن. وكتستعمل العنف المادي على الأفراد. كاين أيضا أجهزة إيديولوجية متعددة بحال الدين، الأسرة، المدرسة، والإعلام اللي كتمارس عنف رمزي على الأفراد.

دابا باش نفهمو شنو تيقولو هاد الخوت غنشوفو لكل موقف مثال من الواقع لي تنعيشوه.

 أمثلة من الواقع عن طبيعة السلطة السياسية

 مثال لموقف نيكولا مكيافيلي

في عام 2014، الرئيس الروسي فلاديمير بوتين دخل على الگرعة و خدم القوة العسكرية باش يحتل شبه جزيرة القرم من أوكرانيا ويضمها لبلادو. بزاف ديال المحللين اعتبروا هاد التصرف ميكافيلي، حيث استخدم بوتين القوة باش يحقق أهدافه السياسية بلا ما يلتفت للقانون الدولي أو الأخلاق.

في عام 2016، نجح دونالد ترامب برئاسة الولايات المتحدة الأمريكية واخا الحملة الانتخابية ديالو كانت مثيرة للجدل وكتضمن تصريحات عنصرية ومهينة. البعض اعتبر أن فوز ترامب دليل على صحة أفكار مكيافيلي، حيث ركز ترامب على تحقيق الفوز بلا ما يلتزم بالقيم الأخلاقية.

 مثال لموقف ابن خلدون

في عام 2013، غيتنتخب عبد الله الثاني ملكاً للأردن بعد وفاة والده الملك حسين. الملك عبد الله اتبع نهج سياسي كييعتمد على الرفق والاعتدال، وسعى لتحقيق التوازن بين مصالح مختلف فئات المجتمع الأردني.

في عام 2015، غتطلق لينا دولة الإمارات العربية المتحدة رؤية الإمارات 2021، وهي خطة و رسم طريق استراتيجية كتسعى لتحقيق تنمية اقتصادية واجتماعية شاملة. هاد الرؤية كتسعى لتحقيق المصلحة العامة للمواطنين الإماراتيين من خلال التركيز على التعليم والصحة والابتكار.

 مثال لموقف مونتسكيو

الولايات المتحدة الأمريكية هي مثال بارز على تطبيق مبدأ فصل السلط. فالولايات المتحدة، كتقسم السلطة بين ثلاثة فروع: السلطة التشريعية (الكونغرس)، السلطة التنفيذية (الرئيس)، والسلطة القضائية (المحاكم).

في عام 2011، اجتاحت موجة من الاحتجاجات الديمقراطية العالم العربي، المعروفة باسم "الربيع العربي". المتظاهرين كانوا كيسعوا لإسقاط الأنظمة الاستبدادية وإقامة أنظمة ديمقراطية تضمن الحريات الأساسية للمواطنين.

 مثال لموقف ميشال فوكو

في عصر الإنترنت، انتشرت السلطة بشكل كبير على مختلف منصات التواصل الاجتماعي. دابا أي واحد يقدر ينشر أفكاره وآرائه ويأثر على الآخرين، بلا ما يهم الموقع ديالو أو المنصب.

حركات الاحتجاج اللي كتجتاح العالم ضد الظلم الاجتماعي والاقتصادي، كتأكد أن السلطة ماشي ثابتة بل كتتغير مع تغير علاقات القوى في المجتمع.

 مثال لموقف لوي ألتوسير

في عام 2020، شهد العالم احتجاجات واسعة ضد وحشية الشرطة بعد مقتل جورج فلويد، وهو رجل أسود، على يد شرطي أبيض في الولايات المتحدة. بزاف ديال الناس اعتبروا هاد الحادث مثال على عنف الدولة ضد الأقليات.

استخدام وسائل الإعلام من طرف بعض الدول لنشر الدعاية وتزييف الحقائق، كيمثل شكل من أشكال الهيمنة الرمزية على الأفراد.

 تعاريف ومفاهيم

• سلطة: هي القدرة اللي كيمتلكها فرد أو جماعة، وكتأثر على الأفراد وكتوجه تصرفاتهم.
• سياسة: أسلوب أو نمط حكم الدولة اعتمادا على أنظمة السلطة والقانون.

 خلاصة تركيبية لمحور طبيعة السلطة السياسية

كخلاصة لمحور طبيعة السلطة السياسية، اللي نقدر نستنتجوه فهاد المحور هو أن طبيعة ممارسة السلطة السياسية متنوعة ومختلفة. ممكن تكون على شكل عنف مشروع وقانوني إلى كان الحكم استبدادي وكيتميز بالانفراد ف اتخاذ القرار. وكيمكن تكون بشكل أوسع إلى كانت السلطة ف يد الجميع، تال لهنا نكونو سالينا الدرس ديالنا الا عندك شي ملاحظة أو غموض فالدرس أو فالمنصة كنتمنا متبخلش علينا بشي تعليق او رياكت الله انجحك نتلاقاو فدرس جديد باي.